تعتبر التقلية تالغنمي او شكمبة من الاكلات التقليدية القديمة و اللذيذة ,
تتكون من أحشاء الخروف:الكرشة الرئة القلب الكبدة الشحمة.
هذه الشهيوة لاتخلو منها موائد المغاربة في عيد الاضحى.
المقادير
ربع كيلو كرشة
ربع كيلو رئة
نصف قلب
ربع كيلو كبدة
شوي تالشحمة تبولفاف
بصلة مشلظة
ماطيشا 1 محكوكة
جوج ملاعق كبار ديال القوام مخلط (تحميرة ابزار كمون ملح)
كاس عنبة زيت الزيتون و زيت المائدة
ربع مصيرة حامضة
خمسة فصوص محكوكين ديال التوم
كيفية التحضير
كنديرو الكرشة الرئة القلب الكبدة شحمة غنمي ,كلشي منقي و مقطع قطع صغيرة, في كاميلة على
نار بين متوسطة و ضعيفة حتى انشف من الماء ( على ود التقلية كتطلق الماء ).
من بعد كنزيدوالزيت و التومة و القوام نخليوه اتشحر شوي عاد نزيدو البصلة إزيد إتشحر شوي,
نضيفو ليه ماطيشا مطحونة تتشحر معه كذلك عاد نزيدو الماء.
ونخليوه إطيب على خاطرو من الأفضل نطيبوه على الفاخر.
فالاخير نضيفو مصيرة و نخليو المرقة تختر مزيان و ها التقلية واجدة.
بالصحة و الراحة
شهيوات مشابهة لعيد الأضحى
كرعين الغنمي بالحمص طريقة مغربية 1-وصفة مصورة مكتوبة-
لحم المناسبات المروزية - وصفة مكتوبة مجربة
شكرا على مروركم هنا
لا تنسوا الاشتراك في المدونة للتوصل بكل جديد
و كذلك يمكنكم متابعتنا على مواقع التواصل الاجتماعي
Chhiwat Cozinti-By Ayda عبر اليوتيوب قناة