وصفة كرعين الغنمي بالحمص من الشهيوات المغربية
التي لا يعلى عليهامذاقها لذيذ بزاف يعجب حتى الاشخاص
الذين لايحبون لحم الغنمي ولا يطيقون رائحته.
المقادير
ربعة ديال كرعين الغنمي نقيين ( كيتباعو واجدين عند الجزارة)
بصلة محكوكة
مطيشا واحدة محكوكة
خمسة فصوص ثومة محكوكة
خمسة تالعروش ديال القزبر و المعدنوس مقطعين صغار
نصف كاس عنبة مخلط زيت زيتون و زيت المائدة
إبزار ملح كركم سكنجبير تحميرة كمون(على حسب الذوق)
جوج كيسان عنبة حمص مرطب ليلة من قبل
(يمكن استعمال الحمص بقشوره أو بدون)
نصف حامضة مصيرة
ماء
كيفية التحضير
كناخذو كوكوت نشحرو فيها الكرعين في الزيت واحد شوي
من بعد كنزيدو الثومة و الربيع و العطرية ديالنا
و نحركو شوي عاد نزيدو البصلة المحكوكة
نبقاو نشحرو شوي ثم نضيفو ماطيشا ديالنا
نزيدو نشحرو شوي و نزيدو عليه الماء ونسدو الكوكوت و نخليوالكرعين إطيبو على خاطرهم
مللي نحسو بيهم قربو إطيبو نزيدو الحمص
مللي إطيب نزيدو شوي تالكمون و الحامض المصير
و ها الكرعين بالحمص واجدين كنقدموهم سخان
بالصحة و الراحة
شكرا على مروركم هنا
لا تنسوا الاشتراك في المدونة للتوصل بكل جديد
و كذلك يمكنكم متابعتنا على مواقع التواصل الاجتماعي