كسكس بالدجاج و الخضرة بطريقة ديال صديقة طنجاوية
(علما أني اضفت عليها بعض التعديلات ههه كالعادة 😏)
المقادير
دجاجة مفصلة
بصلة مقطعة
شوي ديال ربيع (قزبر و معدنوس)
2 ماطيشات محكوكين
نص كاس عنبة زيت زيتون و زيت المائدة
1كغ كسكس قمح كامل
1 لتر حليب
الخضرة الأساسية
فول أخضر
قرع أخضر المدور
باقي هذه الخضر اختياري
وليس ضروري في الوصفة الاصلية
جزر لفت
حمص (مرقد فالماء ليلة قبل)
قرع أحمر
مكور
دنجال
العطرية
زنجبيل
خرقوم
ملحة إبزار
كيفية التحضير
في طنجرة نقليو الدجاج البصلة ماطيشا مع العطرية واحد عشر دقايق
ثم نضيف الماء و الربيع ربطة.
من جهة أخرى , في قصرية كندهنو الكسكس بشوي ديال الماء مملح
ونخليوه يرتاح الوقت اللي تغلي فيه الطنجرة ,
من بعد نضيفو الفول الحمص الجزر اللفت و المكور
كذلك نديرو الكسكس في الكسكاس حتى إتبخر واحد عشرين دقيقة.
ثم نوضعوه في القصرية و و نبللوه بالماء ثاني مزيان و نرجعوه
إتبخر نفس المدة السابقة .
نضيف في الأخير الكرعة و الدنجال نخليو كسكسو إفور آخر مرة
و في آخر خمس دقائق كنضيفو الحليب للمرقة و نخليوه إطبخ
غير شوي و نطفيو عليه.
في طبق التقديم كالعادة نبدأ بوضع الكسكس ثم المرق و الخضار (و الفلفة حارة ههه).
بالصحة و الراحة
شكرا على مروركم هنا
لا تنسوا الاشتراك في المدونة للتوصل بكل جديد
و كذلك يمكنكم متابعتنا على مواقع التواصل الاجتماعي