المقادير
دجاجة 2كغ كنستعملو الصدر و الفخاذ بلا جلدة
بصلة متوسطة
نصف كيلو ورقة بسطيلة
غ150 من الفرماج أحمر محكوك
حك الشمبينيون أو الفطر
نصف كاس العنبة زيت مخلط زيت الزيتون و زيت المائدة
نصف كاس العنبة زبدة مذوبة
الشرمولة
م ص ديال الكركم او زعفران بلدي
نصف م ص فلفل احمر او تحميرة
نصف م ص إبزار
واحد كنور دجاج -ملح على حسب الذوق
5 فصوصمحكوكين ديال التومة
م ص ديال سكنجبير
10عروش قزبر و معدنوس مقطعين
الطريقة
كنوجدو الشرمولة ديالنا كنرقدو فيها الدجاج واحد نصف ساعة على الأقل
و نخليوه إستراح و إشرب مزيان القوام
من بعد كنديرو الزيت في الكوكوت و نقليو فيها شوي الدجاج ديالنا
و نزيدو علية بصلة مقطعة قطع صغيرة
نشحروه شوي ونزيدو ليه الماء حتى إتغطى الدجاجونخليوه إطيب مزيان
عاد نحيدوه من المرقة و نزولو منو العظام
المرقة ديالنا نزيدو عليها الشمبينون و نخليوها تزيد تطيب
حتى تولي خاترة و نطفيو عليها
كنخلطو الدجاج بالمرقة الخاترة و نخليه إبرد
كنجيبو الورقة تالبسطيلة ندهنو المول اللي غادي نستعملو بشوي تالزبدة
ونفرشو عليه الورقةونخليو جنابها خارجين على المول ندهنوها كذلك بالزبدة
نبداو نحطو الحشوة ديال المرقة و الدجاج و نديرو فوق منها الفرماج أحمر محكوك
و من الافضل إكون الفرماج كثير
كنعمرو البسطيلة ديالنا مزيان و نسدوها
نديروها تطيب في الفران اللي سخنا من قبل
نخليوها تتحمر كنزينوها كيفما حبينا إمكن نزينوها مثلا بشوي تالفرماج احمر محكوك من الفوق
و ها البسطيلة المالحة واجدة.
إمكن ديري يا بسطيلات صغار يا كبار*
بالصحة و الراحة
شكرا على مروركم هنا
لا تنسوا الاشتراك في المدونة للتوصل بكل جديد
و كذلك يمكنكم متابعتنا على مواقع التواصل الاجتماعي