بسطيلة مالحة ساهلة بحشوة الفطر و الزيتون و الفرماج الطريقة هنا
المقادير
10ورقات بسطيلة كبيرة
دجاجة منقية و مقطعة
نصف كيلو بصلة
الربيع
2فصوص ثومة
علبة ديال الفطر -شمبنيون
زلافة صغيرة زيتون اخضر مقطع
200غ فرماج احمر
1/2كاس زيت المائدة
العطرية
ملح ابزار حسب الذوق
نصف م ص سكنجبير
نصف م ص كركوم
كنور دجاج
كيفية التحضير
كنخلطو التوابل فشوي ديال الماء و نشرملو بها الدجاج;
نخليوه ارتاح شوي
ناخدو الطنجرة نديرو فيها الدجاج بالشرمولة ديالو و نزيدو الزيت
و البصلة مشلضة نشحرو شوي و نضيفو الماء و نخليوه إطيب.
من بعد ما طاب الدجاج نزولوه من الطنجرة و نضيفو
الشمبنيون للمرقة و نخليوه إطيب .
ملي تعقاد المرقة نزولو الطنجرة من فوق النار و نخليوها تبراد.
الدجاج كنزولو منو العظام و نخلطوه مع المرقة ونزيدو
عليه الزيتون مقطع و الفرماج.
من بعد كنعمرو البسطيلة بالحشوة كالعادة و ندخلوها
للفران تتحمر و نزينوها كيما بغينا عند التقديم.
***يمكن نعملو بها أيضا بسطيلات حجم صغير او بريوات.
بالصحة و الراحة
شكرا على مروركم هنا
لا تنسوا الاشتراك في المدونة للتوصل بكل جديد
و كذلك يمكنكم متابعتنا على مواقع التواصل الاجتماعي