الرفيسة أو التريد أكلة تقليدية مغربية شائعة طرق عمل الرفيسة مختلفة من منطقة لمنطقة وعلى حسب المناسبة
هنا تجدون الوصفة العادية للرفيسة بالدجاج 👇
المقادير
المرقة
دجاجة متوسطة الحجم مغسولة و منقية
2بصلات مقطعات شرائح
نصف كاس عنبة زيت الزيتون و زيت المائدة
ربطة صغيرة قزبر و معدنوس
التوابل
م صغيرة سكنجبير
م صغيرة كركم
رشة زعفران ملون
ملح و ابزار حسب الذوق
المسمن
300غ دقيق القمح ديال المسمن
150غ دقيق فورص أو دقيق أبيض
رشة خميرة خبز -اختياري-
ملح حسب الذوق
ماء دافئ و ز يت المائدة للتوراق
كيفية التحضير
يمكن نطيبو المسمن قبل المرقة أو ممكن نطيبوها
بالموازاة مع طياب الدجاج و نختصرو الشغل ههه😏
في البداية كناخذو الطنجرة كنديرو فيه الدجاجة (كاملة أو مقطعة)
الزيت و البصلة و التوابل و الربيع , كنشحرو واحد شوي.
من بعد نضيف الماء الكافي ونخليوه إطيب على خاطرو.
في هاد الاثناء, نقادو المسمن -مع المراقبة المستمرة للدجاج-
كنخلطو الفورص و القمح و الخميرة و الملحة و
نجمعو بالماء دافئ و ندلكو مزيان و نخليوه إرتاح.
كنبسطو العجين و نقسموه كويرات مدهونين بالزيت.
من بعد إمكن نخدموه بحال المسمن العادي
أو نديرو طريقة ديال وحدة على وحدة و نبسطوها
حتى تصبح رقيقة جدا ونطيبوها في مقلاة سخونة .
عندما ننتهي من طياب المسمن, نبداو نفكو
المسمنات للحصول على مسيمنات رقاق بزاف.
من بعد كنقطعوه على شكل شرائح و نديروه في كسكاس
و عندما يحين وقت التقديم نحطوه فوق الطنجرة ديال الدجاج,
نخليوه إسخن لبضع دقائق.
كذلك بعد نضج الدجاج يمكن نحمروه في الفران
او نقليه في الزيت -هذا اختياري-
في طبق التقديم, نضع اولا التريد -المسمن -
ثم نضيفو عليه الدجاج و المرقة ديالو.
تقدم الرفيسة ساخنة.
بالصحة و الراحة
شكرا على مروركم هنا
لا تنسوا الاشتراك في المدونة للتوصل بكل جديد
و كذلك يمكنكم متابعتنا على مواقع التواصل الاجتماعي