المقادير
500غ قمرون/الجمبري منقي
300غ بصلة مقطعة
ملعقة كبيرة هريسة
5ملاعق كبار معدنوس مفروم
1/2م ص ابزار
1/2م ص كركم
ملحة حسب الذوق
300غ شعرية صينية
100غ زيتون اخضر مقطع
ورقة سيدنا موسى
100غ فرماج احمر محكوك
زبدة
طريقة التحضير
كنسلقو القمرون بضع دقائق من بعد كنزولوه من النار و نصفيوه من الماء.
في مقلاة ,كنحمرو القمرون فشوي تالزبدة نضيف عليه البصلة شوي تالملحة
و الابزار و الكركم و المعدنوس . نخليوه يتقلى واحد شوي و نزولوه من النار.
كنسلقو الشعرية في الماء اللي سلقنا فيه القمرون و نضيفو فيه ورقة سيدنا موسى.
نصفيوها و نضيفوها على القمرون و نزيدو كذلك الهريسة و الفرماج
و الزيتون و نخلطو مزيان و ها الحشوة ديال البسطيلة واجدة.
في صينية الفرن كندهنوها بالزيت او الزبدة
ونمدو وريقات البسطيلة نذهنوها من الفوق بالزبدة.
من بعد نزيدو الحشوة و نغطيو بوريقات اخرين
و نجمعو الجوانب و نذهنو ثاني بالزبدة من الفوق.
ندخلو الصينية لفرن ساخن حتى تتحمر البسطيلة .
نقدموها سخونة و نزينوها من الفوق مثلا بشوي تالفرماج
محكوك و بعض القمرونات مقليين من قبل بقشرتهم
بالصحة و الراحة
شكرا على مروركم هنا
لا تنسوا الاشتراك في المدونة للتوصل بكل جديد
و كذلك يمكنكم متابعتنا على مواقع التواصل الاجتماعي