المقادير
1دجاجة 2 كغ على الاكثر
بصلة متوسطة مشلضة
3فصوص ثومة محكوكة
ربع كاس عنبة زيت مائدة و زيت الزيتون
التوابل
الابزار و الملحة -حسب الذوق
1/2م ص تحميرة -اختياري
1/2م ص سكنجبير
1/2م ص خرقوم
شوي زعفران شعرة مذاب
في كاس عنبة ماء
كيفية التحضير
كنغسلو الدجاجة كالعادة مزيان
نزيل الجلد نقطعوها
قطع متوسطة ونخليوها ترتاح
كنخلطو الزيت البصلة الثومة الكركم الابزار التحميرة
الملحة و الماء اللي فيه زعفران حر و كنشرملو بها
قطع الدجاج و نديروها في الكوكوت.
من بعد نسدو عليه و نخليوالكوكوت حتى تصفر ,
ثم تنقصو العافية مزيان و نخليو الدجاج إطيب على مهل.
نراقبه مرة مرة علما أنه ينضج أسرع من اللحوم الحمراء.
من بعد نفتح الكوكوت إلى كان باقي المرقة كثيرة
نجهدو العافية شوي حتي تنقص و تخثر.
كنقدمو الدجاج ديالنا سخون مرفوق
بسلطة أو بالفريت أو الزيتون.
بالصحة و الراحة
شكرا على مروركم هنا
لا تنسوا الاشتراك في المدونة للتوصل بكل جديد
و كذلك يمكنكم متابعتنا على مواقع التواصل الاجتماعي